ԵՐԵՎԱՆ, 13 հոկտեմբերի – Sputnik․ Հռոմի պապ Լևոն XIV-ն այսօր կհոսպիտալացվի Հռոմի «Ջեմելի» հիվանդանոցում՝ թոքում հայտնաբերված հանգուցային գոյացությունը հեռացնելու նպատակով։ Այս մասին հայտնել է Վատիկանի մամուլի ծառայության ղեկավար Մատեո Բրունին։Վատիկանից հայտնել են, որ գոյացությունը հայտնաբերվել է վերջերս անցկացված պլանային հետազոտության ժամանակ։ Ըստ բժիշկների՝ այն հստակ տեղայնացված է և գտնվում է զարգացման ամենավաղ փուլում։Պապի վիրահատությունը նախատեսված է օրվա երկրորդ կեսին։ Նախնական գնահատմամբ՝ Հռոմի պապը հիվանդանոցում կմնա մոտ մեկ շաբաթ։Լևոն XIV-ի տան պրեֆեկտուրան հայտնել է, որ հոսպիտալացման պատճառով մինչև հոկտեմբերի 20-ը չեղարկվել են Լևոն XIV-ի բոլոր ընդունելությունները։