Պաշտպանության նախարարությունը հաստատում է, որ բանակում զինծառայող է վիրավորվել. ըստ ռազմական գերատեսչության՝ զենքի օգտագործման կանոնների խախտման հետևանքով: ՊՆ խոսնակը չի մանրամասնել, թե ե՞րբ, որտե՞ղ, ի՞նչ հանգմանքներում է տեղի ունեցել դեպքը և ո՞վ է վիրավորված զինծառայողը: Միայն վստահեցրել է, որ զինծառայողի կյանքին վտանգ չի սպառնում: Արամ Թորոսյանի հաղորդագրությունից պարզ չէ նաև, թե որտեղ է հիմա բուժում ստանում զինվորը: «Ազատության» տեղեկություններով՝ դեպքը տեղի է ունեցել Վարդենիսում: