⚽ Ֆուտբոլում ամեն ինչ պարզ է թվում, մինչև սկսվում են սխալները, կորցրած հաղթանակներն ու վիճելի որոշումները։ Այս շաբաթ OFFSIDE-ում՝ ֆուտբոլային գործեր, որոնցում ոչ ոք անմեղ չէ։ Մանչեսթեր Յունայթեդ – Տոտենհեմ․ մեկ խաղացող ավելի, հաղթանակը՝ գրեթե գրպանում, բայց վերջում՝ բաց թողնված երեք միավոր։ Ո՞վ է պատասխանատու։ Ֆուլհեմ – Իփսվիչ․ երկու գոլ՝ երեք րոպեում։ Ֆուլհեմը կարծես արդեն հաշվել էր միավորները, բայց Իփսվիչը եկավ ու ուղղեց թվաբանությունը։ Բավարիա – Աուգսբուրգ․ 8.37 վայրկյան, Մանուել Նոյերի սխալ ու Բունդեսլիգայի պատմության ամենաարագ գոլը։ Ռեկորդ, որի հեղինակը հաստատ չէր պլանավորել այդպես սկսել խաղը։ Վինիսիուս Ժունիոր․ գոլը չհաշվվեց, կարմիր քարտը՝ հաշվեց։ VAR-ը հիշեցրեց, որ ֆուտբոլում տեսախցիկները ոչինչ չեն մոռանում։ Ո՞վ սխալվեց, ո՞վ փրկվեց, և ո՞վ պետք է պատասխան տա։ Այս շաբաթվա ֆուտբոլային գործերը՝ մեր դիտակետից, մեր դատավճիռներով ու մի փոքր հեգնանքով։ Սա OFFSIDE-ն է։ Ինչ դուրս է մնում խաղից՝ ընկնում է OFFSIDE։