Չեչնիայի ղեկավար Ռամզան Կադիրովը պարգևատրվել է Երկաթուղային պատվավոր աշխատող կրծքանշանով՝ երկաթուղային տրանսպորտի զարգացման գործում նշանակալի ավանդի և գործունեության բարձր արդյունքների հասնելու համար․ հայտնում է Грозный-Информ -ը։ Պարգևը նրան է հանձնել Ռուսական երկաթուղիներ ԲԲԸ-ի գլխավոր տնօրենի տեղակալ Իվան Կոլեսնիկովը։ Պարգևատրման արարողությունը տեղի է ունեցել Գրոզնիի երկաթուղային կայարանում՝ Չեչնիայի առաջին նախագահ, Ռուսաստանի հերոս Ահմատ-Հաջի Կադիրովի անունը երկաթուղային կայարանին շնորհելուն նվիրված միջոցառումների շրջանակում։