Այն, ինչ կատարվում է մշակութային դաշտում, ցույց է տալիս, որ Հայաստանը չունի մշակութային գաղափարաբանության ձող: «Ուրիշ նորություններ» հաղորդման շրջանակում այս տեսակետը հայտնեց գրող, դերասան, լրագրող և նախագծերի հեղինակ Ռուբեն Փաշինյանը, որի «Արուջի» մոնոպիեսը վերջերս Ռուսաստանում արժանացել է «Золотое перо Руси» հեղինակավոր ազգային գրական մրցանակաբաշխության «Золотая сова» գլխավոր մրցանակին «Ամենախելացի ստեղծագործություն» անվանակարգում:«Հայաստանը, լինելով կեղծարարությամբ շրջապատված և տանուլ տալով ինֆորմացիոն պատերազմում, իրեն չի կարող թույլ տալ նման շռայլություն՝ չունենալ մշակութային և գաղափարական ձող»,– ասաց Փաշինյանը:Նա պատմեց, որ ««Արուջի» մոնոպիեսի հիմքում ընկած է պատմական իրական փաստ։ 1899 թվականին ռուս հայտնի փաստաբան Նիկոլայ Կարաբչևսկին դատարանում պաշտպանում և արդարացնում է Բայբուրթի ջարդերի ժամանակ ընտանիքը կորցրած հայ վրիժառու Կիրկոր Գուլգուլյանին։ Պիեսի ամենացնցող հանգույցն այն է, որ Կարաբչևսկու պապը եղել է թուրք ռազմագերի, և փաստաբանը բացականչում է․ «Ես՝ ռուս փաստաբանս, թուրք Կարապչիի թոռս, իմ պարտքը Օրենքի առջև կատարեցի և արդարացրի հային՝ թուրքին սպանելու համար»։։Նա առաջիկայում նախատեսում է «Արուջի» պիեսը, «Интервью без купюр» նոր ֆիլմը, «Сынок, а где Евфрат?» կինոնկարը ցուցադրել և իր ստեղծագործություններն ընթերցել Թբիլիսիում և Մոսկվայում, ինչպես նաև աշխատում է այն ուղղությամբ, որ «Արուջի» ներկայացումը բեմում մարմնավորի ոչ հայ դերասան, որպեսզի դրանում բարձրացված համամարդկային ու պատմական արդարության թեման հասնի լայն լսարաններին։Այսօր արդիական է Արևելքի իմաստության և Արևմուտքի էներգիայի սինթեզի թեման. Գյուրջիևա