Երևանի Շինարարների փողոցի կրպակատերերը քաղաքապետարանին մեղադրում են իրենց ահաբեկելու և օրինական կրպակները քանդելու սպառնալիքների համար։ Տասնյակ տնտեսվարողներ այսօր բողոքի ակցիա են արել քաղաքապետարանի դիմաց՝ պնդելով, որ ապամոնտաժման մասին գրավոր որոշում չեն ստացել։ Բողոքի ակցիայի ֆոնին՝ Տիգրան Ավինյանը հայտարարել է՝ կրպակները հեռացվելու են, քանի որ հանրային շահը գերակա է մասնավորից։