ԵՐԵՎԱՆ, 12 հոկտեմբերի – Sputnik. Վրաստանում Իրանի դեսպան Սեյեդ Ալի Մոջանին վնասվածքներ է ստացել Թբիլիսիի փողոցներից մեկում թափառող շների հարձակման հետևանքով։ Այս մասին հաղորդում են վրացական լրատվամիջոցները։Ըստ ԶԼՄ–ների` դիվանագետը փորձել է քշել կենդանիներին, բայց ընկել է և կոտրել ոտքը։Դեսպան Մոջանիին օգնության են հասել տեղի բնակիչները` նրան առաջին բուժօգնություն ցուցաբերելով և շտապօգնություն կանչելով, որից հետո նա տեղափոխվել է հիվանդանոց:Նշենք, որ այս միջադեպից ընդամենը օրեր առաջ՝ սեպտեմբերի 30–ին, դեսպանը կանչվել էր Վրաստանի ԱԳՆ: Պատճառն այն էր, որ նա սոցցանցերում գրառում էր արել վրացիների կողմից սրբացված Քեթևան թագուհու մասին՝ առաջարկելով պատմական իրադարձությունների «նոր ընթերցում»: Վրացական կողմը դա որակել էր որպես պատմության վերանայման փորձ և միջամտություն երկրի ներքին գործերին: