Բելառուսի նախագահ Ալեքսանդր Լուկաշենկոն հայտարարել է, որ Մինսկին անհրաժեշտ է համագործակցել Լեհաստանի, Լիտվայի և Լատվիայի հետ՝ Եվրոպայում պարենային իրավիճակի բարդացման ֆոնին։ «Պետք է համագործակցենք մեր հարևանների հետ՝ և՛ լեհերի, և՛ լիտվացիների, և՛ լատվիացիների։ Եվրոպայում երաշտի պատճառով պարենային խնդիրներ են առաջացել, ուստի պետք է աստիճանաբար համագործակցել նրանց հետ։ Հարևանները մնում են հարևաններ։ Երբ մենք ոչ թե միմյանց նշանառության տակ ենք պահում, այլ սկսում ենք տնտեսական համագործակցություն, դա նշանակում է, որ գուցե կարողանանք նաև խուսափել պատերազմից», — նրա խոսքերը մեջբերում է «ԲելՏԱ» գործակալությունը։