armenpress.am Երևանի քաղաքապետ Տիգրան Ավինյանը շնորհավորել է երևանցիներին քաղաքի տոնի առթիվ և հրավիրել ընտանիքներով ու ընկերներով մասնակցելու մայրաքաղաքում կազմակերպվող միջոցառումներին։ Քաղաքապետը տեսաուղերձ է հրապարակել իր ֆեյսբուքյան էջում։ «Սիրելի՛ երևանցիներ, շնորհավոր մեր սիրելի քաղաքի տոնը։ Այսօր Երևանը մեզ դիմավորում է հրաշալի արևոտ եղանակով, իսկ քաղաքի տարբեր հատվածներում մենք ունենալու ենք փառատոններ, երեխաների համար միջոցառումներ, շատ երաժշտություն և բարձր տրամադրություն»,– ասել է Ավինյանը։ Քաղաքապետի խոսքով՝ միջոցառումներին մասնակցելու են ինչպես տեղացի արտիստներ, այնպես էլ արտերկրից հյուրեր։ «Ընտանիքներով, երեխաների հետ, ընկերների հետ դուրս եկեք քաղաք, միասին վայելենք այս գեղեցիկ օրը։ Կհանդիպենք Երևանում»,– եզրափակել է նա։ Հիշեցնենք, որ «Էրեբունի-Երևան 2808»-ի շրջանակներում հոկտեմբերի 9-10-ին համերգներ և փառատոններ են անցկացվում մայրաքաղաքի տարբեր վարչական շրջաններում։ Տոնական միջոցառումները կեզրափակվեն շքեղ հրավառությամբ՝ հոկտեմբերի 10-ին ժամը 22:45-ին Հաղթանակ զբոսայգում։ The post Երևանը տոնում է 2808-ամյակը․ Տիգրան Ավինյանը հրավիրել է միասին նշելու քաղաքի օրը | armenpress.am appeared first on Infocom .