Հայ-գերմանական կրթական համագործակցությունը նոր հնարավորություններ է բացում նաև Սյունիքի աշակերտների ու ուսուցիչների համար։ Գերմաներենի ուսուցումից մինչև ակադեմիական փոխանակումներ ու Գերմանիայում բարձրագույն կրթություն՝ ծրագրերը կարող են ճանապարհ հարթել դեպի նոր գիտելիք ու մասնագիտական հեռանկարներ։ Կապանում և Գորիսում Գերմանիայի դեսպանատան ներկայացուցիչները ներկայացրել են կրթական ծրագրերն ու դրանցից օգտվելու հնարավորությունները։ Ի՞նչ հեռանկարներ են բացվում գերմաներեն սովորողների առաջ, և ինչպե՞ս կարող է կրթական համագործակցությունն ամրապնդել Հայաստանի ու Գերմանիայի կապերը։