Այնքան անբաշար ու անպիտան իշխանություն է, որ տեղեկություն ունենալուց հետո էլ չեն կարողացել մի ադրբեջանցի ասկյար բռնել, բայց Փաշինյանը սպառնում է ընդդիմությանը, թե ձեր «քթերից կբերեմ», եթե մի հայ զինվորական մոլորվի։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ԱԺ «Հայաստան» խմբակցության քարտուղար Արթուր Խաչատրյանը։ Խոսելով օրերս Գորիսում Ադրբեջանի և Հայաստանի ներկայացուցիչների հանդիպման և TRIPP-ի շրջանակում էլեկտրահաղորդման գծերի անցկացման մասին` պատգամավորը նկատեց, որ նախագծում կա ասիմետրիա. Հայաստանը Ադրբեջանին տվել է միջանցք, բայց չի ստանում հնարավորություն Նախիջևանով Արարտի մարզը կապել Սյունիքի հետ։ «Ազգային ժողովում Փաշինյանին հարցնում եմ՝ Ադրբեջանը խոստացել է ներպետական հաղորդակցություն ապահովել, զարգացում կա՞։ Ինքը սրամտում է, կրուտիտ լինում, հարցիս չի պատասխանում, թե ինչպե՞ս է հայկական գնացքը հատելու և Սադարակից մտնի Մեղրի։ Որևէ քայլ Բաքվից չենք տեսել, բայց Փաշինյանը ապավինում է Ալիևի բարի կամքին, ասում է, թե կլինի»,- ընդգծեց Խաչատրյանը։ Հերմինե Միքայելյան Մանրամասները՝ տեսանյութում։ © 2024 24News. Բոլոր իրավունքները պաշտպանված են: 24TV-ում տեղադրված նյութերն օգտագործելիս ակտիվ հղում տալը պարտադիր է: Կայքում տեղադրված այլ հեղինակների և բանախոսների արտահայտած կարծիքը կարող է չհամընկնել 24TV-ի խմբագրության տեսակետի հետ: Address: Dzorap 40, Office Area 23. E-mail: info@24news.am Գովազդի համար զանգահարել +374 41 240060