Եվրամիությունը ժամանակավոր առևտրային արտոնություններ կտրամադրի Հայաստանին՝ տեղական արտադրողներին և արտահանողներին աջակցելու համար։ Միջոցառումներն ուժի մեջ են մտնում հոկտեմբերի 10-ին․ այս մասին նշվում է Եվրոպական հանձնաժողովի մամուլի ծառայության հայտարարությունում։ Միջոցառումները նախատեսված են 2 տարի ժամկետով և նախատեսում են ԵՄ հայկական արտահանման գրեթե 80 %-ի ժամանակավոր ազատականացում։ Սա ներառում է ռուսական սահմանափակումներից տուժած գրեթե բոլոր թարմ միրգ-բանջարեղենը և ծաղիկները, ինչպես նաև խմիչքների և ալկոհոլային խմիչքների արտահանման ավելի քան 91 %-ը։ Բրյուսելն ակնկալում է, որ ժամանակավոր առևտրային արտոնությունները կօգնեն մեղմել հայ արտադրողների և արտահանողների առջև ծառացած դժվարությունները և կամրապնդեն Հայաստանի տնտեսության դիմադրողականությունը՝ հեշտացնելով մուտքը ԵՄ շուկա ։ Հաղորդագրությունում նշվում է, որ այս արտոնյալ ռեժիմը նախատեսում է որոշակի պայմաններ և ներառում է պաշտպանական միջոցներ՝ ուղղված ԵՄ շուկան եվրոպական արտադրողների վրա ներմուծման բացասական ազդեցությունից պաշտպանելուն : Եվրահանձնաժողովը նաև պարզաբանել է, որ այս առևտրային արտոնությունները Հայաստանի համար աջակցության ավելի լայն միջոցառումների փաթեթի մաս են ։