ԵՐԵՎԱՆ, 9 հոկտեմբերի – Sputnik. ՀՀ իշխանություններին Ռուսաստանի հետ առճակատման օրակարգ են պարտադրում դրսից։ Ռուսաստանցի քաղաքագետ Ալեքսանդր Դուդչակն այս հայտարարությունն արեց Մոսկվա-Երևան տեսակապի ժամանակ՝ պատասխանելով Sputnik Արմենիայի հարցին։Նրա խոսքով՝ երկկողմ հարաբերություններում տեղի ունեցող փոփոխությունները Մոսկվայի նախաձեռնությամբ չեն իրականացվում։Հիշեցնենք` ՀՀ վարչապետ Նիկոլ Փաշինյանը բազմիցս հայտարարել է, որ հայ-ռուսական հարաբերությունները վերափոխման են ենթարկվում՝ հաշվի առնելով Երևանի և Բաքվի միջև ձեռք բերված խաղաղությունը։Այդ վերափոխման մասին հիշատակում կա նաև կառավարության 2026-2031 թվականների ծրագրում։