Հասել ենք անհնարինի, և մեզ անհրաժեշտ է ամեն օր հոգ տանել ձեռք բերված խաղաղության մասին․ Փաշինյան

Փաշինյան․ Հայաստանի և Ադրբեջանի միջև խաղաղությունը կայացած փաստ է Վարչապետ Նիկոլ Փաշինյանը Թուրքմենստանում մասնակցել է ԱՊՀ մասնակից պետությունների ղեկավարների խորհրդի հերթական նիստին և հանդես եկել ելույթով։ Փաշինյանը շնորհակալություն է հայտնել թուրքմենական կողմին՝ ԱՊՀ-ում նախագահության շրջանակում կատարած աշխատանքի համար և շնորհավորել Ուզբեկստանին՝ ԱՊՀ-ում նախագահությունը ստանձնելու կապակցությամբ։ Անդրադառնալով Հայաստանի և Ադրբեջանի միջև խաղաղության գործընթացին՝ Փաշինյանը նշել է, որ ԱՊՀ հիմնարար փաստաթղթերից մեկը՝ 1991 թվականի դեկտեմբերի 21-ի Ալմա-Աթայի հռչակագիրը, առանցքային դեր է խաղացել երկու երկրների միջև խաղաղության հաստատման գործում։ Նրա խոսքով՝ 2024 թվականին Հայաստանն ու Ադրբեջանը ստորագրել և վավերացրել են պետական սահմանի սահմանազատման հարցերով հանձնաժողովների համատեղ գործունեության մասին կանոնակարգը, որով կողմերը սահմանազատման գործընթացում որպես հիմնարար սկզբունք ընդունում են Ալմա-Աթայի հռչակագիրը։ Փաշինյանը նշել է, որ Ալմա-Աթայի հռչակագիրը առանցքային տեղ է զբաղեցնում նաև Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի նախաստորագրված տեքստում։ Ըստ նրա՝ համաձայնագրում կողմերը ճանաչում և հարգում են միմյանց ինքնիշխանությունը, տարածքային ամբողջականությունը, միջազգային սահմանների անխախտելիությունն ու քաղաքական անկախությունը, ինչպես նաև հաստատում են, որ միմյանց նկատմամբ տարածքային պահանջներ չունեն և ապագայում ևս չեն ներկայացնի։ Նա հիշեցրել է, որ համաձայնագիրը նախաստորագրվել է 2025 թվականի օգոստոսի 8-ին՝ ԱՄՆ նախագահ Դոնալդ Թրամփի կողմից Սպիտակ տանը կազմակերպված խաղաղության գագաթնաժողովի ընթացքում։ «Հայաստանի և Ադրբեջանի միջև խաղաղությունը կայացած փաստ է»,– հայտարարել է Փաշինյանը՝ նշելով, որ վերջին ավելի քան երկու տարիներին երկու երկրների միջև փոխհրաձգությունների հետևանքով զոհեր և վիրավորներ չեն եղել։ Նրա խոսքով՝ արդեն գրեթե մեկ տարի է, ինչ Ադրբեջանի երկաթուղին բաց է հայկական բեռների համար, սկսվել է երկկողմ առևտուրը, իսկ Հայաստանի և Ադրբեջանի միջև պետական սահմանի 12-կիլոմետրանոց հատվածը սահմանազատվել և սահմանագծվել