armenpress.am Ադրբեջանից Վրաստան բնական գազի մատակարարումների համաձայնագիրը 20 տարով երկարաձգվել է Վրաստանի և Ադրբեջանի միջև միջկառավարական բանակցությունների հաջող ավարտից հետո, հայտնել է Վրաստանի էկոնոմիկայի նախարարությունը։ Այս մասին հաղորդում է Sputnik գործակալության վրացական ծառայությունը: Վրաստանի և Ադրբեջանի միջև գազի առք ու վաճառքի պայմանագիրը գործում է 2003 թվականից և ժամկետը լրանում էր 2026 թվականին։ Մայիսին կողմերը հայտարարել են պայմանագրի երկարաձգման համաձայնագրի ստորագրման մասին։ Ըստ էկոնոմիկայի նախարարության տվյալների՝ պայմանագրով նախատեսված բնական գազի ամբողջ ծավալը կօգտագործվի Վրաստանի գազային հատվածի կարիքների բավարարման համար և, համապատասխանաբար, իրենից ներկայացնում է այդ հատվածին անխափան և կայուն մատակարարումների երաշխիք։ Միջկառավարական համաձայնագիրը նաև նախատեսում է գործառնական համաձայնագրի կնքում Ադրբեջանի Հանրապետության պետական ​​նավթային ընկերության՝ SOCAR Midstream Operation ՍՊԸ-ի հետ՝ Բաքու-Սուփսա նավթամուղի վրացական հատվածի վերաբերյալ։ Համաձայնագիրը սահմանում է ոչ միայն հիշյալ խողովակաշարի տարանցիկ երթուղու գործունեությունն ու տեխնիկական սպասարկումը, այլև Բաքու-Թբիլիսի-Սուփսա խողովակաշարի և Սուփսայի տերմինալի շահագործման հարցը: The post Վրաստանը 20 տարով երկարաձգել է Ադրբեջանից գազի մատակարարման համաձայնագիրը | armenpress.am appeared first on Infocom .