Ախալքալաքի մունիցիպալիտետի կազմակերպությունների միջև անցկացված մինի-ֆուտբոլի մրցաշարի եզրափակիչ խաղին ներկա են գտնվել մունիցիպալիտետի քաղաքապետ Մելքոն Մակարյանը, քաղաքապետի տեղակալներ Թեյմուրազ Մճեդլիձեն և Մկրտիչ Մղդեսյանը, ինչպես նաև քաղաքապետարանի սպորտի և երիտասարդության հարցերի վարչության պետ Ակակի Մելիքիձեն։ Մարզական միջոցառումը ամեն տարի կազմակերպվում է Ախալքալաքի մունիցիպալիտետի կրթության, մշակույթի, սպորտի և երիտասարդության հարցերի վարչության կողմից։ Մրցաշարի նպատակն է խթանել սպորտի նկատմամբ հետաքրքրությունը, առողջ ապրելակերպը և ակտիվ կենսակերպը։ Այս տարի մրցաշարին մասնակցել է մունիցիպալիտետի կազմակերպությունները ներկայացնող 10 թիմ։ Մրցաշարի արդյունքում մրցանակային տեղերը բաշխվել են հետևյալ կերպ․ Առաջին տեղ՝ «Առողջություն» ֆուտբոլային ակումբ, Երկրորդ տեղ՝ «Սակրեբուլոյի» թիմ, Երրորդ տեղ՝ «Էներգիա-Պրո Ջորջիա» թիմ։ Մրցաշարի հաղթող և մրցանակակիր թիմերը պարգևատրվել են գավաթներով, համապատասխան կարգի մեդալներով, դիպլոմներով և Ախալքալաքի մունիցիպալիտետի կողմից սահմանված խորհրդանշական մրցանակներով։ Գրառումը Ախալքալաքում անցկացվել է մունիցիպալիտետի կազմակերպությունների միջև մինի-ֆուտբոլի մրցաշարի եզրափակիչը appeared first on .