ԵՐԵՎԱՆ, 8 հոկտեմբերի - Sputnik. ԱՄՆ նախագահ Դոնալդ Թրամփն օգոստոսին ամերիկյան *Meta տեխնոլոգիական ընկերության բաժնետոմսեր է ձեռք բերել՝ մինչև 25 միլիոն դոլար արժողությամբ։ Ինչպես հայտնում է ՌԻԱ Նովոստին, սա հետևում է հրապարակված ֆինանսական հաշվետվությունից։Փաստաթղթի համաձայն՝ օգոստոսին Թրամփն իրականացրել է ֆինանսական ակտիվների առուվաճառքի 517 գործարք։Ամենախոշոր գործարքը եղել է Meta*-ի 5-25 միլիոն դոլար արժողությամբ բաժնետոմսերի գնումը օգոստոսի 21-ին՝ այդ օրը ներդրումային պորտֆելի ավելի լայնածավալ վերակազմավորման ֆոնին։Facebook–ն այլևս չի արգելափակում ՀՀ և Արցախի ազգային հերոս Մոնթեի նկարներով օգտահաշիվներըCNBC հեռուստաալիքի վերլուծության համաձայն՝ վաճառքների ընդհանուր ծավալը կազմել է մոտ 74,3-ից մինչև 273,3 միլիոն դոլար։ Հստակ գումարը հնարավոր չէ որոշել, քանի որ հաշվետվության մեջ յուրաքանչյուր գործարքի արժեքը նշված է որոշակի միջակայքով։ Գնումների ծավալը կազմել է առնվազն 44,2 միլիոն դոլար, իսկ վաճառքներինը՝ առնվազն 30,1 միլիոն դոլար։CNBC-ն նաև նշում է, որ 18 էջանոց հաշվետվությունը վկայում է Թրամփի ներդրումային պորտֆելի բարձր ակտիվության մասին, չնայած հունիսի և հուլիսի համեմատ գործարքների թվի նվազմանը, երբ նախագահը բացահայտել էր յուրաքանչյուր ամսվա ընթացքում ավելի քան հազար գործարքի մասին տեղեկությունը։*Meta-ի (Facebook և Instagram սոցիալական ցանցեր) գործունեությունը ՌԴ-ում արգելված է որպես ծայրահեղական։