Ռուսաստանաբնակ հայազգի գեղասահորդուհի, Ռուսաստանի եռակի չեմպիոն, Ռուսաստանի Գրան պրիի եզրափակիչի եռակի հաղթող, Ռուսաստանի առաջնության բրոնզե մեդալակիր և Օլիմպիական խաղերի մասնակից Ադելիա Պետրոսյանը գլխավորել է Գրան պրիի փուլերի պահեստային գեղասահորդների ցուցակը։ Այս մասին հաղորդվում է Գեղասահքի միջազգային միության (ISU) կայքում։ 19-ամյա Պետրոսյանը 204,16 միավորով առաջատարն է: Պահեստային գեղասահորդները հնարավորություն են ստանում մասնակցելու մրցաշարին, եթե քվոտա ստացած մասնակիցներից որևէ մեկը հրաժարվում է ելույթից։ Անցած շաբաթ Պետրոսյանը Բաթումիում կայացած «Չելենջեր» շարքի Trialeti Trophy մրցաշարում զբաղեցրել է երկրորդ տեղը։ ISU-ն ռուս մարզիկներին թույլատրում է մասնակցել մրցումներին չեզոք կարգավիճակով, սակայն վարկանիշային միավորների բացակայության պատճառով նրանք դեռևս սահմանափակ քանակությամբ քվոտաներ ունեն գլխավոր մրցաշարերի համար։ The post Ադելիա Պետրոսյանը գլխավորել է ISU-ի Գրան պրիի պահեստային մարզիկների վարկանիշը appeared first on Alphanews .