«Ռուսական երկաթուղիներ» ընկերության նախագահը հաջորդ շաբաթ կայցելի Հայաստան՝ քննարկելու Հայաստանում չգործող երկաթուղիների վերականգման վերաբերյալ հարցերը, այսօր լրագրողների հետ հանդիպման ժամանակ հայտարարեց ՀՀ վարչապետ Նիկոլ Փաշինյանը։ «Երկաթուղու հետ կապված մենք նախորդ նիստին ԵԱՏՄ-ի շրջանակում պայմանավորվածություն ունեցանք, այդ պայմանավորվածության արդյունքում՝ մյուս շաբաթ «Ռուսական երկաթուղիներ»-ի նախագահը կժամանի Հայաստան, մենք աշխատանքային քննարկում կունենանք և նաև որոշ հետևություններ կանենք այդ աշխատանքային քննարկման արդյունքներով։ Հանդիպումից հետո թե ինչ կլինի՝ չեմ կարող կանխատեսել»,- ասաց Փաշինյանը։ Նա միաժամանակ անդրադարձավ ՌԴ փոխվարչապետ Ալեքսեյ Օվերչուկի հայտարարությանը, թե Երասխի ու Գյումրիից Կարս հատվածը վերականգնելու՝ Երևանին արված առաջարկն ուժի մեջ է։ «Ես գիտեմ, որ Ախուրիկի և Երասխի հատվածների վերականգնման հարցով նաև ղազախական ընկերություն է հետաքրքրություն ցուցաբերել։ Տարբեր հարցեր կան, կքննարկենք»,- ասաց Փաշինյանը։ The post «Ռուսական երկաթուղիներ» ընկերության նախագահը հաջորդ շաբաթ կայցելի ՀՀ. Փաշինյան appeared first on Ազգ .