ԵՐԵՎԱՆ, 8 հոկտեմբերի – Sputnik. ՀՀ վարչապետ Նիկոլ Փաշինյանը Թուրքմենստանում շփումներ կունենա ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հետ։ Նա այդ մասին ասաց կառավարության նիստից հետո` պատասխանելով լրագրողների հարցերին։Ավելի վաղ հայտնել էինք, որ Փաշինյանն այսօր մեկնելու է Թուրքմենստան` մասնակցելու ԱՊՀ երկրների ղեկավարների գագաթնաժողովին։«Ձևաչափն այնպիսին է, որ շփումներ կլինեն ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի հետ։ Պաշտոնական հանդիպում նախատեսված չէ, սակայն նախկինում էլ եղել է, որ տեղում պայմանավորվել են, խոսել են, երբ արձանագրել են փոխադարձ կամ կոնկրետ ինչ-որ հարցի քննարկման անհրաժեշտությունը»,- ասաց Փաշինյանը։Հիշեցնենք` Փաշինյան ու Պուտինը վերջին անգամ երկկողմ հանդիպում են ունեցել սեպտեմբերի 1–ին Շանհայի համագործակցության կազմակերպության (ՇՀԿ) գագաթնաժողովի շրջանակում։ Իսկ Ալիևն ու Փաշինյանը վերջին անգամ հանդիպել են օգոստոսի 31-ին Բիշքեկում։