Երևանի քրեական դատարանի Աջափնյակ նստավայրում գիշերը տեղի ունեցած նիստի ժամանակ որոշվել է հասարակական գործիչ Արթուր Դանիելյանի խափանման միջոցը՝ երկու ամսով կալանավորում։ Ըստ փաստաբան Տիգրան Աթանեսյանի՝ առաջադրվել է երկու հոդվածով մեղադրանք։ Դրանցից մեկը Facebook-ի գրառումների համար է։ Բայց եթե այդպես է, Աժ պատգամավորների կեսին այդ մեղադրանքը պետք է առաջադրվի։ Հասարակության մի մասին դուր չի գալիս, բայց մի մասին էլ շատ էլ դուր է գալիս, թե ինչ է գրում Արթուրը, հետևաբար խուլիգանություն չի կարող լինել։ Ունիվերսալ նորմերի դեպքում պետք է լինի խուլիգանությունը։ Արթուրին մեղադրում են նաև հետաքննության մարմնին՝ ԱԱԾ-ին, արատավորող ինչ-որ մի գրառման համար։ Ծիծաղելին այն է, որ այդ հոդվածով ոչ թե գերատեսչությանը կարելի է արատավորել, այլ կոնկրետ պաշտոնատար անձի, ինչը չկա ,- ասում է փաստաբանը։ Աթանեսյանը հավելում է նաև, որ խափանման միջոցի հարցը քննած դատավորը Նիկոլ Փաինյանի աշխատակազմում վարչության պետք է աշխատել։ Նրան բացարկի միջնորդություն են հայտնել, ինչը չի ըդնունել։ Փաստաբանի փոխանցածով՝ Դանիելյանի համար կիրառվել է շփման ամբողջական արգելք։ Վարույթը նախաձեռնվել է օգոստոսին։ Պատշաճ նախաքննություն չի ընթացել, ոչ մի բան էլ չեն արել ,- հավելում է Աթանեսյանը։