ԵՐԵՎԱՆ, 7 հոկտեմբերի - Sputnik. Առաջիկա տարիներին Հայաստանի կառավարության պարտքը կմնա ՀՆԱ-ի 50%-ի նշաձողից ցածր (2025 թվականին այն կազմել է ՀՆԱ-ի 47,2%-ը կամ բացարձակ թվերով՝ 14 մլրդ 41 մլն դոլար՝ խմբ.)։ Այս մասին խորհրդարանում կառավարության հետ հարցուպատասխանի ժամանակ հայտարարեց ֆինանսների նախարար Վահե Հովհաննիսյանը՝ մեկնաբանելով 2027 թվականի պետբյուջեի նախագիծը, որը հաստատվել է կառավարության կողմից և ներկայացվել Ազգային ժողով։Հայաստանի ՀՆԱ–ն 2026 թվականի առաջին կիսամյակում աճել է 6%–ով. վիճակագրությունՊետական պարտքի սպասարկմանը կուղղվի բյուջետային բոլոր ծախսերի մոտ 11%-ը։Ինչ վերաբերում է բյուջեի պակասուրդին, ապա 2026 թվականի բյուջեի նախագծի համեմատ այն 4,5%-ից կնվազի մինչև 3,4%, իսկ առաջիկա մի քանի տարիներին պետք է 2%-ից ցածր դառնա։Նշենք, որ 2027 թվականի պետբյուջեի նախագծում կառավարության պարտքի սպասարկման ծախսերը կազմում են 416,8 մլրդ դրամ կամ 1 մլրդ 142 մլն դոլար, այսինքն՝ բյուջեի ընդհանուր ծախսերի 10,24%-ը։ Բյուջեի եկամուտները, ըստ նախագծի, կկազմեն 3 տրլն 604 մլրդ դրամ (շուրջ 10 մլրդ դոլար), ծախսերը (համայնքային բյուջեները չհաշված)՝ 4 տրլն 72 մլրդ դրամ (11,2 մլրդ դոլար)։ Եկամուտները կաճեն մոտ 17%-ով, ծախսերը՝ 12%-ով։ Բյուջեի պակասուրդը բացարձակ թվերով կկազմի 468 մլրդ դրամ կամ 1,3 մլրդ դոլար։ՀՀ իշխանությունները հույս ունեն պարտք-ՀՆԱ հարաբերակցությունը կրճատել մինչև 45%