Ազգային ժողովում պատգամավորների հարցուպատասխանի ընթացքում ՀՀ պաշտպանության նախարար Սուրեն Պապիկյանն անդրադարձավ ընդդիմադիր պատգամավորների՝ իր հրաժարականի վերաբերյալ հորդորներին և բանակում արձանագրվող պատահարների վիճակագրությանը։ Արձագանքելով ընդդիմադիր պատգամավորներ Արթուր Խաչատրյանի և Նարեկ Կարապետյանի հայտարարություններին՝ Սուրեն Պապիկյանը նշեց, որ «Ուժեղ Հայաստան» և «Հայաստան» դաշինքները նախարարի հրաժարականը պահանջելու սուբյեկտները չեն․ «Եթե նման ցանկություն ունեք, կազմակերպե՛ք, ես էլ կգամ, ձեր բոլոր հարցերին կպատասխանեմ»։ Դիմելով պատգամավոր Նարեկ Կարապետյանին՝ Պապիկյանն ընդգծեց․ «Նարեկ Կարապետյանին կհորդորեմ բանակի մասին, անվտանգային համակարգի մասին խոսելիս հիշել նախընտրական փուլի իմ հորդորները․ նախ անհրաժեշտ է գնալ և փորձաքննության ենթարկվել և Հայաստանի Հանրապետության քաղաքացուն ապացուցել, որ դուք բանակից չեք ճողոպրել»։ Մանրամասները՝ տեսանյութում։ Եվգենյա Համբարձումյան