«Մասնագիտություն»․ Երբ սպորտը դառնում է արվեստ․ գեղարվեստական մարմնամարզության դժվար ճանապարհը

Գեղարվեստական մարմնամարզություն․ օլիմպիական անչափ նրբագեղ մարզաձև, որ գրավում է գեղեցիկի և շարժման սիրահարներին, էսթետիկ սպորտաձև, որ միավորում է սպորտը և արվեստը՝ դառնալով բազմաթիվ մարմնամարզուհիների կյանքի անբաժանելի մասնիկը: Ու չնայած գեղարվեստական մարմնամարզությունն անչափ գեղեցիկ է, դիտարժան և տպավորիչ, բայց միևնույն ժամանակ լի է հանդիսատեսի աչքերից թաքնված բազմաթիվ դժվարություններով ու քրտնաջան մարզումներով․ ֆիզիկական անթերի կեցվածք, մեծ արտիստիզմ, տոկունություն, ճկունություն, աշխատասիրություն, ջանքեր ու կարգապահություն, ֆիզիկական և հոգեբանական կատարյալ պատրաստվածություն, կամքի ուժ, մեծ սեր ու մարզական ոգի։ «Մասնագիտություն» հաղորդման հյուրն է Հայաստանի գեղարվեստական մարմնամարզության ազգային հավաքականի գլխավոր մարզիչ, Հայաստանի ֆիզիկական կուլտուրայի և սպորտի պետական ինստիտուտի Հրանտ Շահինյանի անվան մարմնամարզության, սպորտային պարերի, գեղասահքի և շախմատի ամբիոնի դոցենտ Աննա Աբրահամյանը: