ԵՐԵՎԱՆ, 6 հոկտեմբերի – Sputnik. «Ռոսիա սեգոդնյա» միջազգային մեդիախմբի և RT հեռուստաալիքի գլխավոր խմբագիր Մարգարիտա Սիմոնյանի «Ոչ առաջին սեր։ Վշտի և ուրախության խոստովանություն» գրքի տպաքանակը մոտ երկու ամսում հասել է 100 հազարի։ Այս մասին հայտնել է «Էկսմո-ԱՍՏ» հրատարակչական խմբի մամուլի ծառայությունը։Գրքի նկատմամբ հետաքրքրությունը մեծ էր դեռևս 2026 թվականի օգոստոսին դրա լույս տեսնելուց առաջ։ Սկզբնական տպաքանակը կազմել է 50 հազար օրինակ, սակայն դեռ տպագրության ընթացքում այն ​​ավելացվել է 20 հազար օրինակով։Առաջին տպաքանակները գրախանութներ հասնելուց հետո հրատարակչությունը որոշել էր նոր մեծ խմբաքանակ տպագրել։«Ոչ առաջին սեր։ Վշտի և ուրախության խոստովանություն» վեպը լույս է տեսել օգոստոսի 27-ին։ Սիմոնյանն այն անվանել է գրական հուշարձան իր ամուսնուն։Նախատեսվում է թողարկել նաև գրքի աուդիո տարբերակ, որտեղ կհնչի Քեոսայանի ձայնը, որը վերստեղծվել է արհեստական ​​բանականության միջոցով։ Վեպի վաճառքից ստացված ողջ հասույթը Սիմոնյանը մտադիր է ուղղել ուկրաինական անօդաչուներից տուժածների օգնությանը։Տիգրան Քեոսայանը ծնվել է 1966 թվականի հունվարի 4-ին Մոսկվայում՝ կինոգործիչների ընտանիքում։ Նրա ամենահայտնի ռեժիսորական աշխատանքներից են «Խեղճ Սաշան», «Նախագահը և նրա թոռնուհին» և «Արծաթափայլ հովտաշուշանը»։ Քեոսայանի վերջին ֆիլմը «Պյոտր Սեմյոնիչի յոթ օրն» է, որը նկարահանվել է Սիմոնյանի սցենարի հիման վրա։2024 թվականին Քեոսայանը Ռուսաստանի արվեստի վաստակավոր գործչի կոչում ստացավ, իսկ 2025 թվականին՝ Ռուսաստանի վաստակավոր արտիստի կոչում։ Ռեժիսորը մահացել է 2025 թվականի սեպտեմբերի 26-ին։