ԵՐԵՎԱՆ, 5 հոկտեմբերի – Sputnik. Մոսկվայի Մեշչանսկի դատարանը Սոչիի նախկին քաղաքապետ Ալեքսեյ Կոպայգորոդսկուն դատապարտել է 15 տարվա ազատազրկման՝ կաշառակերության, հանցավոր եկամուտների վատնման ու օրինականացնելու համար։ Այս մասին հայտնում է ՌԻԱ Նովոստին։Դատարանը նաև 500 մլն ռուբլի տուգանք է նշանակել ու նրան «Հայրենիքին մատուցած ծառայությունների համար 2-րդ աստիճանի» պարգևից։Սոչիի նախկին քաղաքապետի կինը՝ Յանինա Կոպայգորոդսկայան,նույն գործով դատապարտվել է 9 տարվա ազատազրկման։Նա պատիժը պետք է կրի ընդհանուր ռեժիմի գաղութում։Քննության վարկածով՝ 2022-2024 թվականներին Կոպայգորոդսկին կնոջ աջակցությամբ առնվազն 26 մլն ռուբլի արժողությամբ երկու հողամաս է հափշտակել Սոչիում, ինչպես նաև առևտրային կառույցների ներկայացուցիչներից 248 մլն ռուբլի կաշառք ստացել՝ հովանավորչության համար։Տարեսկզբին Սոչիի դատարանը գլխավոր դատախազության ներկայացրած հակակոռուպցիոն հայցով պետության օգտին առգրավեց Կոպայգորոդսկու և նրա մտերիմներին պատկանող մոտ 1,6 մլրդ ռուբլի արժողությամբ գույքը։