ԵՐԵՎԱՆ, 3 հոկտեմբերի — Sputnik. Ռուսաստանը կշարունակի հաշվեհարդարի զանգվածային հարվածներն Ուկրաինայում ռազմական նշանակության օբյեկտներին՝ ի պատասխան ռուսների դեմ Կիևի ահաբեկչության։ Այս մասին հայտնել են ՌԴ ԱԳՆ-ում:ԱԳՆ կայքում տեղադրված հայտարարության մեջ նշվում է, որ ՌԴ ԶՈւ-ն համակարգված կերպով հարվածում է Կիևում և ուկրաինական այլ քաղաքներում ռազմական նշանակության օբյեկտներին՝ ի պատասխան խաղաղ ռուսների և Ռուսաստանի քաղաքացիական ենթակառուցվածքների դեմ Ուկրաինայի զինված ուժերի ահաբեկչական գործողությունների:Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։Մարտական գործողություններն ընթանում են մինչ օրս։Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։