ԵՐԵՎԱՆ, 3 հոկտեմբերի — Sputnik. Մոսկվայի ԲԿՄԱ-ի ֆուտբոլիստ Արտյոմ Բանդիկյանը, որը վնասվածք էր ստացել Հայաստանի հավաքականի կազմում անցկացրած խաղում, խուսափել է լուրջ վնասվածքից։ Այս մասին իր Telegram-ալիքում հայտնել է բանակային ակումբի հաղորդակցությունների գծով տնօրեն Կիրիլ Բրեյդոն։«Երկար եմ սպասել». ԲԿՄԱ-ի ֆուտբոլիստ Արտյոմ Բանդիկյանին հրավիրել են Հայաստանի հավաքական21-ամյա կիսապաշտպանը մասնակցել է Ազգերի լիգայի խմբային փուլի երրորդ տուրի՝ Կիպրոսի հավաքականի դեմ խաղին (0:2)։ Նա խաղադաշտ է դուրս եկել մեկնարկային կազմում և վնասվածքի պատճառով փոխարինվել հանդիպման 52-րդ րոպեին՝ խաղադաշտը լքելով պատգարակով։ Խաղի ավարտից հետո Հայաստանի հավաքականի գլխավոր մարզիչ Եղիշե Մելիքյանը հայտնել է, որ Բանդիկյանը, հնարավոր է, կոտրել է ոտքը։Բանդիկյանը ԲԿՄԱ-ի սան է և ակումբի կազմում հանդես է գալիս 2025 թվականի հունվարից։ Ընթացիկ մրցաշրջանում նա բանակայինների կազմում երկու հանդիպում է անցկացրել։