Հայաստանը ներկայացնող Ալինա Չարաևան Պեկինում ընթացող China Open մրցաշարի երկրորդ շրջանում սենսացիոն հաղթանակ է տարել աշխարհի առաջին ռակետ Ելենա Ռիբակինայի նկատմամբ։ Չարաևան դարձել է վարկանիշային ամենացածր դիրքը զբաղեցրած թենիսիստուհին (118-րդ), որը կարողացել է առաջին սեթում պարտվելուց հետո կամային հաղթանակ տանել աշխարհի առաջին ռակետի նկատմամբ։Չարաևան առաջին սեթում պարտվել է 3:6 հաշվով, սակայն կարողացել է շրջել հանդիպման ընթացքը՝ հաջորդ երկու սեթերում հաղթելով 6:4, 6:3 հաշվով։WTA-ի պատմության մեջ մինչ այս ամենացածր վարկանիշ ունեցող թենիսիստուհին, որը հաղթանակ էր տարել աշխարհի առաջին ռակետի նկատմամբ, ամերիկուհի Էլիսոն Ռիսկն էր։ 2019 թվականի Ուիմբլդոնի չորրորդ շրջանում նա հաղթել էր ավստրալուհի Էշլի Բարթիին՝ 3:6, 6:2, 6:3 հաշվով։