You are using an outdated browser. Please upgrade your browser. Ադրբեջանի թվային զարգացման և տրանսպորտի նախարարությունը և ամերիկյան SpaceXAI ընկերությունը, որը պատկանում է Իլոն Մասկին, ստորագրել են փոխըմբռնման հուշագիր՝ արհեստական բանականության վրա հիմնված լուծումների և դրանց առնչվող թվային տեխնոլոգիաների ոլորտում համագործակցության վերաբերյալ։ Ադրբեջանական լրատվամիջոցների հաղորդմամբ՝ փաստաթուղթը նախատեսում է SpaceXAI ընկերության Grok մոդելների հիման վրա մշակված արհեստական բանականության լուծումների կիրառման հնարավորությունները պետական ծառայություններում և Ադրբեջանի թվային փոխակերպման այլ առաջնահերթ ուղղություններում։ Հիմնական նպատակն է ստեղծել ավելի որակյալ, ավելի մատչելի և արդյունավետ հանրային ծառայություններ։ Հուշագիրը չի սահմանափակվելու կիրառման միայն մեկ ոլորտով և կընդգրկի պետական բոլոր կառույցները։ Կողմերը համատեղ կգնահատեն արհեստական բանականության կիրառման հնարավորությունները և կքննարկեն հաջողված լուծումները պետական հատվածում լայնորեն ներդնելու հարցը։ Կողմերը նաև պայմանավորվել են համագործակցել տեղական ներուժի ամրապնդման, գիտելիքների և փորձի փոխանակման, ինչպես նաև համապատասխան հմտությունների զարգացման ուղղությամբ։ Բացի այդ, համագործակցության հաջորդ փուլերի համար կմշակվի ճանապարհային քարտեզ, որը կներառի փորձնական նախագծեր, տեխնիկական ցուցադրություններ և շահագրգիռ կողմերի հետ համագործակցություն։ Սա հիմք կստեղծի հաջողված լուծումների հետագա՝ ավելի լայնածավալ կիրառման համար։ COP17-ի նախաշեմին Բրյուսելում կոչ են արել կենսաբազմազանության խոստումները վերածել գործողությունների Մոսկվայում ներկայացվել է «Պուտինի ուղի» նախագիծը՝ ՌԴ-ի, Վրաստանի և Հայաստանի միջև Աբխազիայի տարածքով երկաթուղային հաղորդակցության վերաբերյալ Ադրբեջանն ԱՄՆ-ի և Գերմանիայի հետ գործարքի արդյունքում ազատ է արձակել տնտեսագետ Իբադօղլուին, սակայն նրա դատապարտված եղբայրը մնում է կալանավայրում COP17-ի նախաշեմին Բրյուսելում կոչ են արել կենսաբազմազանության խոստումները վերածել գործողությունների Մոսկվայում ներկայացվել է «Պուտինի ուղի» նախագիծը՝ ՌԴ-ի, Վրաստանի և Հայաստանի միջև Աբխազիայի տարածքով երկաթուղային հաղորդակցության վերաբերյալ Ադրբեջանն ԱՄՆ-ի և Գերմանիայի հետ գործարքի արդյունքում ազատ է արձակել տնտեսագետ Իբադօղլուին, սակայն նրա դատապարտված եղբայրը մնում է կալանավայրում