You are using an outdated browser. Please upgrade your browser. Ուկրաինական անօդաչու թռչող սարքերը հոկտեմբերի լույս 1-ի գիշերը հարձակվել են բռնակցված Ղրիմի վրա։ «Կրիմէներգո»-ում հայտնել են, որ հարձակման են ենթարկվել էներգետիկ օբյեկտներ, ինչի հետևանքով մի շարք բնակավայրեր զրկվել են էլեկտրականությունից, գրում է Current time-ը։ «Թերակղզում էլեկտրաէներգիայի անխափան մատակարարման հետ կապված իրավիճակը շարունակում է մնալ բարդ։ Էներգետիկները շուրջօրյա աշխատանքներ են իրականացնում էլեկտրական ցանցի վերականգնման ուղղությամբ»,- հայտարարել են ընկերությունում։ Крымский ветер տելեգրամ ալիքը, հղում անելով տեղի բնակիչներին, հայտնել է Նիժնեգորսկի բնակավայրում գտնվող խոշոր էլեկտրական ենթակայանի վրա հարվածի մասին։ Ալիքը ենթադրում է, որ հնարավոր է՝ Ղրիմում վնասվել է ոչ միայն այդ ենթակայանը։ Ալիքի տվյալներով՝ էլեկտրաէներգիա չկա Արմյանսկում, Չեռնոմորսկոյե ավանում, Պերվոմայսկի շրջանի մի շարք գյուղերում, ինչպես նաև Կրասնոգվարդեյսկի և Կրասնոպերեկոպսկի շրջաններում։ Բացի այդ, ըստ աղբյուրի, հրդեհ է նկատվել Ստրելկովոյե գյուղում գտնվող «Օստրավա» հանգստի բազայում։ Ըստ տվյալների՝ լայնածավալ ներխուժման սկսվելուց ի վեր ռուս զինվորականներն օգտագործում են Արաբաթի ցամաքալեզվակի հանգստյան տներն ու բազաները, որոնց ուկրաինական բանակը բազմիցս հարվածներ է հասցրել։ Ռուսաստանի ՊՆ-ից հայտնել են, որ Բրյանսկի, Բելգորոդի, Սմոլենսկի, Կալուգայի, Տուլայի, Կուրսկի, Տվերի, Լիպեցկի, Օրյոլի, Տամբովի, Աստրախանի մարզերի, Մոսկվայի տարածաշրջանի, բռնակցված Ղրիմի տարածքների ու Սև ծովի վրա խոցել կամ որսացել են ուկրաինական 330 անօդաչու թռչող սարք։ COP17-ի նախաշեմին Բրյուսելում կոչ են արել կենսաբազմազանության խոստումները վերածել գործողությունների Ադրբեջանը Մասկի SpaceXAI-ի հետ փոխըմբռնման հուշագիր է ստորագրել ԱԲ ոլորտում համագործակցության վերաբերյալ Մոսկվայում ներկայացվել է «Պուտինի ուղի» նախագիծը՝ ՌԴ-ի, Վրաստանի և Հայաստանի միջև Աբխազիայի տարածքով երկաթուղային հաղորդակցության վերաբերյալ COP17-ի նախաշեմին Բրյուսելում կոչ են արել կենսաբազմազանության խոստումները վերածել գործողությունների Ադրբեջանը Մասկի SpaceXAI-ի հետ փոխըմբռնման հուշագիր է ստորագրել ԱԲ ոլորտում համագործակցության վերաբերյալ Մոսկվայում ներկայացվել է «Պուտինի ուղի» նախագիծը՝ ՌԴ-ի, Վրաստանի և Հայաստանի միջև Աբխազիայի տարածքով երկաթուղային հաղորդակցության վերաբերյալ