PACE approves election report: Armenia offered a roadmap for reforms

“It is a calculated attack on religious autonomy.” Edward Lynn

«Դա կրոնական ինքնավարության դեմ հաշվարկված հարձակում է». Էդվարդ Լին

The representative of Great Britain in the PACE, MP Edward Lynn, referred to the elections in Armenia, as he characterized it, “in the context of the current government of Armenia’s attitude towards the Armenian Apostolic Church.”

ԵԽԽՎ-ում Մեծ Բրիտանիայի ներկայացուցիչ, պատգամավոր Էդվարդ Լինն անդրադարձավ Հայաստանի ընտրություններին՝ իր բնորոշմամբ՝ «Հայաստանի ներկայիս կառավարության՝ Հայ Առաքելական եկեղեցու նկատմամբ վերաբերմունքի համատեքստում»։

“It is the oldest national church in the world and today it faces an unprecedented threat, not from a foreign invader, but from the government itself. The current administration, led by Prime Minister Nikol Pashinyan, has essentially abolished the boundaries between church and state and has launched an unprecedented campaign against church freedoms. The Council of Europe, above all, should be concerned about the freedom of our churches,” he stated.

«Այն աշխարհի ամենահին ազգային եկեղեցին է և այսօր աննախադեպ սպառնալիքի է բախվում՝ ոչ թե արտաքին զավթիչի, այլ հենց կառավարության կողմից։ Վարչապետ Նիկոլ Փաշինյանի ղեկավարությամբ ներկայիս վարչակազմը, ըստ էության, վերացրել է եկեղեցու և պետության միջև սահմանները և նախաձեռնել է եկեղեցու ազատությունների դեմ աննախադեպ արշավ։ Եվրոպայի խորհուրդը, ամենից առաջ, պետք է մտահոգված լինի մեր եկեղեցիների ազատությամբ»,- հայտարարեց նա։

According to the British MP, what is happening is not a political disagreement, but a “calculated attack on religious autonomy.” He also touched on the detentions of clergy, emphasizing: “Karekin II Catholicos is being pressured.”

Բրիտանացի պատգամավորի խոսքով՝ տեղի ունեցողը քաղաքական անհամաձայնություն չէ, այլ «հաշվարկված հարձակում կրոնական ինքնավարության դեմ»։ Նա անդրադարձավ նաև հոգևորականների կալանավորումներին՝ շեշտելով. «Գարեգին Երկրորդ Կաթողիկոսը ենթարկվում է ճնշումների»։

According to the MP, during the elections held in June, for the first time in modern Armenian history, the ruling “Civil Contract” party included provisions in its election program to abolish church autonomy.

Ըստ պատգամավորի՝ հունիսին անցկացված ընտրությունների ընթացքում Հայաստանի արդի պատմության մեջ առաջին անգամ իշխող «Քաղաքացիական պայմանագիր» կուսակցությունն իր նախընտրական ծրագրում ներառել է եկեղեցու ինքնավարության վերացման դրույթներ.

“The ruling party in a member state of the Council of Europe is deliberately attacking the local church, the oldest church in the world,” he said.

«Եվրոպայի խորհրդի անդամ մի երկրում իշխող կուսակցությունը միտումնավոր հարձակվում է տեղական եկեղեցու՝ աշխարհի ամենահին եկեղեցու վրա»,- ասաց նա։

Edward Lynn noted that in recent weeks the government has published a state-commissioned report that “criticizes the canonical structure of the church, and has also threatened to launch a parliamentary inquiry with the aim of forcibly changing the church’s charter.”

Էդվարդ Լինը նշեց, որ վերջին շաբաթների ընթացքում կառավարությունը հրապարակել է պետական պատվերով զեկույց, որը «քննադատում է եկեղեցու կանոնական կառուցվածքը, ինչպես նաև սպառնացել է խորհրդարանական քննություն սկսել՝ եկեղեցու կանոնադրությունը հարկադրաբար փոխելու նպատակով»։

“The use of state mechanisms to abolish ancient church laws is a gross violation of human rights and freedom of religion,” he declared, adding that the elections were used as a created mandate “to place a sacred institution under the full control of the state.”

«Պետական մեխանիզմների օգտագործումը՝ հնագույն եկեղեցական օրենքները վերացնելու համար, մարդու իրավունքների և կրոնի ազատության կոպիտ խախտում է»,- հայտարարեց նա՝ հավելելով, որ ընտրություններն օգտագործվել են որպես ստեղծված մանդատ՝ «սրբազան հաստատությունը պետության լիակատար վերահսկողության տակ դնելու համար»։

“The Council of Europe must protect freedom of religion and condemn the Armenian government,” the MP concluded.

«Եվրոպայի խորհուրդը պետք է պաշտպանի կրոնի ազատությունը և դատապարտի Հայաստանի կառավարությանը»,- եզրափակեց պատգամավորը։

“The bishops were not arrested because of their religious vocation.” Hripsime Grigoryan

«Եպիսկոպոսները չեն ձերբակալվել հոգևոր կոչման պատճառով». Հռիփսիմե Գրիգորյան

Hripsime Grigoryan, a member of the Armenian delegation to the PACE, responded to the British delegate, describing the statements made about the Armenian Apostolic Church as “grossly ignorant.” Grigoryan insisted that the Armenian government and state are not fighting against the church, but protecting it.

Մեծ Բրիտանիայի պատվիրակին արձագանքեց ԵԽԽՎ-ում Հայաստանի պատվիրակության անդամ Հռիփսիմե Գրիգորյանը՝ Հայ Առաքելական եկեղեցու վերաբերյալ հնչած հայտարարությունները որակելով «խիստ անտեղյակ»։ Գրիգորյանը պնդեց, որ Հայաստանի կառավարությունն ու պետությունը ոչ թե պայքարում են եկեղեցու դեմ, այլ պաշտպանում են այն։

She emphasized that the actions taken against the bishops are not related to the fact that they are clergy.

Նա ընդգծեց, որ եպիսկոպոսների նկատմամբ ձեռնարկված գործողությունները կապված չեն նրանց հոգևորական լինելու հանգամանքի հետ.

“The bishops were not arrested because they are bishops. There are criminal cases against them. We are not the ones who make the final decision, that is the jurisdiction of the court,” Grigoryan said, adding that these criminal cases concern alleged terrorist acts against Armenian citizens.

«Եպիսկոպոսները չեն ձերբակալվել այն պատճառով, որ եպիսկոպոս են։ Նրանց նկատմամբ կան քրեական գործեր։ Վերջնական որոշում կայացնողը մենք չենք, դա դատարանի իրավասությունն է»,- ասաց Գրիգորյանը՝ հավելելով, որ այդ քրեական գործերը վերաբերում են Հայաստանի քաղաքացիների դեմ ենթադրյալ ահաբեկչական գործողություններին։

PACE presents final assessment of Armenian elections: what observers in Armenia recorded

ԵԽԽՎ-ն ներկայացնում է Հայաստանի ընտրությունների վերջնական գնահատականը․ ինչ են արձանագրել դիտորդները ՀՀ-ում

“The reason is that the person currently occupying the seat of the Catholicos of Armenia, according to the facts and documents we have, is directly involved in illegal actions aimed at overthrowing the Armenian state. His brother is an international agent, an agent of a country that…”, Grigoryan said.

«Պատճառն այն է, որ Հայոց Կաթողիկոսի աթոռն այժմ զբաղեցնող անձը, ըստ մեր ունեցած փաստերի ու փաստաթղթերի, ուղղակիորեն ներգրավված է Հայաստանի պետությունը տապալելուն ուղղված ապօրինի գործողություններում։ Նրա եղբայրը միջազգային գործակալ է՝ մի երկրի գործակալ, որը…»,- ասաց Գրիգորյանը։

Grigoryan’s speech was interrupted by the chairman during the part of his allegations regarding the leadership of the Armenian Apostolic Church, who urged him to speak exclusively within the framework of the report under discussion.

Գրիգորյանի ելույթը Հայ Առաքելական եկեղեցու ղեկավարության վերաբերյալ պնդումների հատվածում ընդհատվեց նախագահողի կողմից, որը հորդորեց խոսել բացառապես քննարկվող զեկույցի շրջանակում։

Referring to the PACE observation mission report on the June 7 parliamentary elections, Grigoryan assessed it as “excellent”, emphasizing that Armenian citizens freely expressed their will in competitive elections, and that decision was respected. He recalled the report’s assessment that voters were offered a real choice between political alternatives in a well-organized process, and that election day was orderly and calm.

Անդրադառնալով հունիսի 7-ի խորհրդարանական ընտրությունների վերաբերյալ ԵԽԽՎ դիտորդական առաքելության զեկույցին՝ Գրիգորյանն այն գնահատեց «հիասքանչ», ընդգծեց, որ Հայաստանի քաղաքացիները մրցակցային ընտրություններում ազատորեն արտահայտել են իրենց կամքը, և այդ որոշումը հարգվել է։ Նա հիշեցրեց զեկույցի գնահատականը, ըստ որի՝ ընտրողներին առաջարկվել է քաղաքական այլընտրանքների միջև իրական ընտրություն՝ լավ կազմակերպված գործընթացում, իսկ ընտրությունների օրը եղել է կանոնավոր և հանգիստ։

Grigoryan noted that Armenia faced external interference and information operations, which the report described as unprecedented for a Council of Europe member state, but that state institutions had resisted them.

Գրիգորյանը նշեց, որ Հայաստանը բախվել է արտաքին միջամտության և տեղեկատվական գործողությունների, որոնք զեկույցում բնութագրվել են որպես աննախադեպ Եվրոպայի խորհրդի անդամ պետության համար, սակայն պետական ինստիտուտները դիմակայել են դրանց։

At the same time, he said that the positive assessment should not lead to complacency: it is necessary to work on issues related to campaign financing, media impartiality, and accessibility of the electoral process.

Միաժամանակ, նա ասաց, որ դրական գնահատականը չպետք է հանգեցնի ինքնագոհության. անհրաժեշտ է աշխատել քարոզարշավի ֆինանսավորման, լրատվամիջոցների անաչառության և ընտրական գործընթացի մատչելիության հետ կապված խնդիրների ուղղությամբ։

“Allegations and perceptions should not automatically be presented as established violations,” the MP said, adding that the conclusions regarding the CEC and parliamentary representation issues require a thorough legal assessment, not political assumptions.

«Պնդումներն ու ընկալումները չպետք է ինքնաբերաբար ներկայացվեն որպես հաստատված խախտումներ»,- ասաց պատգամավորը՝ հավելելով, որ ԿԸՀ-ի և խորհրդարանական ներկայացվածության հարցերին առնչվող եզրակացությունները պահանջում են իրավական մանրակրկիտ գնահատական, այլ ոչ քաղաքական ենթադրություններ։

“Armenian democracy has been tested many times. On June 7, it overcame another important test. The citizens of Armenia defended democracy, their sovereign right to determine their future, and above all, peace,” concluded Hripsime Grigoryan.

«Հայկական ժողովրդավարությունը բազմիցս փորձության է ենթարկվել։ Հունիսի 7-ին այն հաղթահարեց ևս մեկ կարևոր փորձություն։ Հայաստանի քաղաքացիները պաշտպանեցին ժողովրդավարությունը, իրենց ինքնիշխան իրավունքը՝ որոշելու իրենց ապագան, և ամենից առաջ՝ խաղաղությունը»,- եզրափակեց Հռիփսիմե Գրիգորյանը։

“This is not just a question of Armenia’s sovereignty.” Sona Ghazaryan

«Սա միայն Հայաստանի ինքնիշխանության հարցը չէ». Սոնա Ղազարյան

According to Sona Ghazaryan, a member of the Armenian delegation to the PACE, the June 7 elections were significant in several respects.

ԵԽԽՎ-ում հայաստանյան պատվիրակության անդամ Սոնա Ղազարյանի կարծիքով՝ հունիսի 7-ին կայացած ընտրությունները նշանակալի էին մի քանի առումով.

“Among these are the scale and nature of external interference, as well as the alleged cases of vote-buying by opposition parties. We have witnessed increasingly sophisticated forms of external interference, which can manifest themselves in the form of disinformation, the spread of false narratives, cyberattacks, manipulation of the public information field, and attempts to undermine citizens’ trust in democratic processes,” he said.

«Դրանց թվում են արտաքին միջամտության մասշտաբն ու բնույթը, ինչպես նաև ընդդիմադիր կուսակցությունների կողմից ենթադրյալ ձայներ գնելու դեպքերը։ Մենք ականատես եղանք արտաքին միջամտության ավելի ու ավելի բարդ ձևերի, որոնք կարող են դրսևորվել ապատեղեկատվությամբ, կեղծ նարատիվների տարածմամբ, կիբերհարձակումներով, հանրային տեղեկատվական դաշտի մանիպուլյացիայով և քաղաքացիների՝ ժողովրդավարական գործընթացների նկատմամբ վստահությունը խաթարելու փորձերով»,- ասաց նա։

According to the CP MP, political pressure has been accompanied by economic pressure through restrictions on the import of a number of goods, which “were intended to influence the political elections of a sovereign state.”

ՔՊ-ական պատգամավորի խոսքով՝ քաղաքական ճնշումն ուղեկցվել է տնտեսական ճնշմամբ՝ մի շարք ապրանքների ներմուծման սահմանափակումների միջոցով, որոնք «նպատակ ունեին ազդել ինքնիշխան պետության քաղաքական ընտրությունների վրա»։

Sona Ghazaryan is confident that the 2026 elections demonstrated Armenia’s ability to protect the electoral process and guarantee citizens’ right to vote.

Սոնա Ղազարյանը վստահ է, որ 2026 թվականի ընտրությունները ցույց տվեցին Հայաստանի կարողությունը՝ պաշտպանելու ընտրական գործընթացն ու երաշխավորելու քաղաքացիների ընտրելու իրավունքը.

“And that choice should belong to the people of Armenia, not to foreign governments, external forces, economic pressure, or disinformation. The principle is very simple: elections in Armenia should be decided in Armenia, by the citizens of Armenia, through free and fair processes.

«Եվ այդ ընտրությունը պետք է պատկանի Հայաստանի ժողովրդին, ոչ թե օտարերկրյա կառավարություններին, արտաքին ուժերին, տնտեսական ճնշմանը կամ ապատեղեկատվությանը։ Սկզբունքը շատ պարզ է՝ Հայաստանում ընտրությունները պետք է որոշվեն Հայաստանում՝ Հայաստանի քաղաքացիների կողմից, ազատ և արդար գործընթացների միջոցով։

This is not just a question of Armenia’s sovereignty; This is a fundamental principle of European democracy,” he concluded.

Սա միայն Հայաստանի ինքնիշխանության հարցը չէ․ սա եվրոպական ժողովրդավարության հիմնարար սկզբունք է»,- եզրափակեց նա։

Parallels between Armenia and Kosovo: Pier Fassino

Հայաստանի և Կոսովոյի զուգահեռները. Պիեր Ֆասինո

The parliamentary elections in Armenia were generally held in accordance with democratic standards, but the key issue for the country is ensuring a normal democratic life after the vote. This is an excerpt from the speech of Italian delegate Pier Fassino.

Հայաստանում անցկացված խորհրդարանական ընտրություններն ընդհանուր առմամբ անցել են ժողովրդավարական չափանիշներին համապատասխան, սակայն երկրի համար առանցքային հարցը քվեարկությունից հետո բնականոն ժողովրդավարական կյանքի ապահովումն է․ սա հատված է իտալացի պատվիրակ Պիեր Ֆասինոյի ելույթից։

As a member of the international observation mission, he visited many polling stations with his colleagues on election day.

Որպես միջազգային դիտորդական առաքելության անդամ՝ նա ընտրությունների օրը գործընկերների հետ այցելել է բազմաթիվ ընտրատեղամասեր.

“As our delegation leader Damien Cottier reminded us, the elections were held in an orderly manner. I have been to many polling stations, and everything was held in accordance with democratic standards,” he said.

«Ինչպես հիշեցրեց մեր պատվիրակության ղեկավար Դամիեն Կոտիեն, ընտրություններն անցել են կանոնավոր կերպով։ Ես եղել եմ բազմաթիվ ընտրատեղամասերում, և ամեն ինչ անցկացվել է ժողովրդավարական չափանիշներին համապատասխան»,- ասաց նա։

According to Fassino, the main issue is not so much the course of the elections themselves, but the political developments that followed them and how the course of democratic life will be ensured in accordance with Council of Europe standards.

Ֆասինոյի գնահատմամբ՝ գլխավոր խնդիրը ոչ այնքան բուն ընտրությունների ընթացքն է, որքան դրանց հաջորդած քաղաքական զարգացումները և այն, թե ինչպես է ապահովվելու ժողովրդավարական կյանքի ընթացքը՝ Եվրոպայի խորհրդի չափանիշներին համապատասխան։

The Italian delegate compared the situation in Armenia to that in Kosovo, noting that the political forces there are unable to reach an agreement on the presidential election, which could lead to another election. He stressed that the instability in Kosovo is also a concern for the overall situation in the Western Balkans, and that the long process of EU membership could contribute to the revival of nationalist tendencies and conflicts.

Իտալացի պատվիրակը Հայաստանի իրավիճակը համեմատեց Կոսովոյի հետ՝ նշելով, որ այնտեղ քաղաքական ուժերը չեն կարողանում համաձայնության գալ նախագահի ընտրության հարցում, ինչի հետևանքով երկիրը կարող է կրկին ընտրությունների գնալ։ Նա ընդգծեց, որ Կոսովոյում անկայունությունը մտահոգիչ է նաև Արևմտյան Բալկանների ընդհանուր իրավիճակի համար, և Եվրամիության անդամակցության երկարատև գործընթացը կարող է նպաստել ազգայնական միտումների ու հակամարտությունների վերակենդանացմանը։

“What concerns Armenia also concerns Kosovo. We, as the Council of Europe, have a responsibility to work with these young democracies so that they adopt principles and approaches to governance that meet the standards of the Council of Europe,” he said.

«Այն, ինչ վերաբերում է Հայաստանին, վերաբերում է նաև Կոսովոյին։ Մենք՝ որպես Եվրոպայի խորհուրդ, պատասխանատվություն ունենք աշխատելու այս երիտասարդ ժողովրդավարությունների հետ, որպեսզի դրանք ընդունեն կառավարման այն սկզբունքներն ու մոտեցումները, որոնք համապատասխանում են Եվրոպայի խորհրդի չափանիշներին»,- ասաց նա։

“External pressures did not determine the outcome of the vote.” Arusyak Julhakyan

«Արտաքին ճնշումները չեն կանխորոշել քվեարկության արդյունքը». Արուսյակ Ջուլհակյան

Arusyak Julhakyan, a member of the Armenian delegation to the PACE, stated that the external pressures and attempts at interference recorded during the elections did not affect the final outcome of the vote.

ԵԽԽՎ-ում Հայաստանի պատվիրակության անդամ Արուսյակ Ջուլհակյանը հայտարարեց, որ ընտրությունների ընթացքում արձանագրված արտաքին ճնշումներն ու միջամտության փորձերը չեն ազդել քվեարկության վերջնական արդյունքի վրա։

Referring to the final report of the PACE observation mission, Julhakyan thanked the delegation and its head Damien Cottier for the work done. He noted that the Armenian side takes note of the main recommendations of the report and will work towards their implementation.

Անդրադառնալով ԵԽԽՎ դիտորդական առաքելության վերջնական զեկույցին՝ Ջուլհակյանը շնորհակալություն հայտնեց պատվիրակությանը և ղեկավար Դամիեն Կոտիեին՝ կատարված աշխատանքի համար։ Նա նշեց, որ հայկական կողմն ի գիտություն է ընդունում զեկույցի հիմնական առաջարկությունները և աշխատելու է դրանց իրականացման ուղղությամբ։

“The main conclusion of the PACE observation mission is that the parliamentary elections in Armenia provided voters with a real choice between political alternatives within the framework of a well-organized process,” Julhakyan said.

«ԵԽԽՎ դիտորդական առաքելության գլխավոր եզրակացությունն այն է, որ Հայաստանի խորհրդարանական ընտրությունները ընտրողներին ընձեռել են քաղաքական այլընտրանքների միջև իրական ընտրության հնարավորություն՝ լավ կազմակերպված գործընթացի շրջանակում»,- ասաց Ջուլհակյանը։

According to him, in the conditions of direct external pressure, the newly elected authorities received a democratic mandate, which must be respected and implemented responsibly. Julhakyan qualified the June 7 elections as one of the most important democratic processes in Armenia’s modern history, noting that they were held in conditions of important choices around peace, independence, sovereignty, democratic security and state resilience.

Նրա խոսքով՝ արտաքին ուղղակի ճնշումների պայմաններում նորընտիր իշխանությունները ստացել են ժողովրդավարական մանդատ, որը պետք է հարգվի և պատասխանատու կերպով իրագործվի։ Ջուլհակյանը հունիսի 7-ի ընտրությունները որակեց Հայաստանի արդի պատմության կարևորագույն ժողովրդավարական գործընթացներից մեկը՝ նշելով, որ դրանք անցկացվել են խաղաղության, անկախության, ինքնիշխանության, ժողովրդավարական անվտանգության և պետական դիմակայունության շուրջ կարևոր ընտրության պայմաններում։

The MP noted that the mission recorded direct external pressures during the campaign: economic restrictions, diplomatic threats, obstacles to Armenian exports, threats related to energy supplies, as well as informational actions aimed at influencing voters in favor of the opposition.

Պատգամավորը նշեց, որ առաքելությունը քարոզարշավի ընթացքում արձանագրել է անմիջական արտաքին ճնշումներ՝ տնտեսական սահմանափակումներ, դիվանագիտական սպառնալիքներ, հայկական արտահանման խոչընդոտներ, էներգամատակարարման հետ կապված սպառնալիքներ, ինչպես նաև ընդդիմության օգտին ընտրողների վրա ազդելուն միտված տեղեկատվական գործողություններ։

“These actions went beyond the scope of ordinary political interpretations. They were attempts to influence the sovereign democratic decisions of the Armenian people,” he emphasized, emphasizing that the most important conclusion of the mission is that these attempts did not predetermine the outcome.

«Այս գործողությունները դուրս էին գալիս սովորական քաղաքական մեկնաբանությունների շրջանակից։ Դրանք Հայաստանի ժողովրդի ինքնիշխան ժողովրդավարական որոշումների վրա ազդելու փորձեր էին»,- ընդգծեց նա՝ շեշտելով, որ առաքելության ամենակարևոր եզրակացությունն այն է, որ այդ փորձերը չեն կանխորոշել արդյունքը։

According to Julhakyan, the response to external interference was the active participation of citizens in the electoral process.

Ջուլհակյանի գնահատմամբ՝ արտաքին միջամտությանն արձագանքը եղել է քաղաքացիների ակտիվ մասնակցությունը ընտրական գործընթացին.

“The Armenian people showed that democratic choice is stronger than coercion, and national sovereignty is best protected through free and democratic elections,” the MP concluded.

«Հայ ժողովուրդը ցույց տվեց, որ ժողովրդավարական ընտրությունն ավելի ուժեղ է, քան հարկադրանքը, իսկ ազգային ինքնիշխանությունն ամենից լավ պաշտպանվում է ազատ և ժողովրդավարական ընտրությունների միջոցով»,- եզրափակեց պատգամավորը։

“Armenia has firmly chosen the pro-European path.” Kimo Kilunen

«Հայաստանը հաստատուն կերպով ընտրել է եվրոպամետ ուղին». Կիմո Կիլյունեն

Former PACE Rapporteur on Armenia Kimo Kilunen stated that the election results testify to Armenia’s choice to move forward in a pro-European direction.

ԵԽԽՎ-ում Հայաստանի հարցով նախկին զեկուցող Կիմո Կիլյունենը հայտարարեց, որ ընտրությունների արդյունքները վկայում են Հայաստանի՝ եվրոպամետ ուղղությամբ առաջ շարժվելու ընտրության մասին։

Referring to the final report of the PACE observation mission, Kilunen noted that the elections were special, as they were the first non-special parliamentary elections since Armenia’s transition to a parliamentary system of government.

Անդրադառնալով ԵԽԽՎ դիտորդական առաքելության վերջնական զեկույցին՝ Կիլյունեն նշեց, որ ընտրություններն առանձնահատուկ էին, քանի որ Հայաստանի՝ խորհրդարանական կառավարման համակարգին անցնելուց հետո առաջին ոչ աարտահերթ խորհրդարանական ընտրություններն էին։

According to him, they took place in a context of geopolitical tension, attempts at external interference, the process of normalizing relations between Armenia and Azerbaijan, the problems of displaced persons from Nagorno-Karabakh, as well as internal political polarization.

Ըստ նրա՝ դրանք աաանցել են աշխարհաքաղաքական լարվածություն, արտաքին միջամտության փորձերի, Հայաստանի և Ադրբեջանի միջև հարաբերությունների կարգավորման գործընթացի, Լեռնային Ղարաբաղից տեղահանվածների խնդիրների, ինչպես նաև ներքին քաղաքական բևեռացման պայմաններում։

Despite this, according to Kilunen, the report notes that the electoral process was technically successful, was conducted in peaceful conditions, and voters were offered a choice between real political alternatives.

Չնայած դրան, ըստ Կիլյունենի, զեկույցն արձանագրում է, որ ընտրական գործընթացը տեխնիկապես հաջող էր, անցկացվել է խաղաղ պայմաններում, իսկ ընտրողներին առաջարկվել է իրական քաղաքական այլընտրանքների միջև ընտրություն.

“In this sense, we can say that the elections were free and fair,” he said.

«Այս իմաստով կարող ենք ասել, որ ընտրություններն ազատ և արդար էին»,- ասաց նա։

The former rapporteur also mentioned issues related to the decisions of the Central Election Commission, as well as the bias in the media environment, noting that they were duly recorded in the report.

Նախկին զեկուցողը նաև հիշատակեց Կենտրոնական ընտրական հանձնաժողովի որոշումների, ինչպես նաև մեդիա միջավայրում առկա կողմնակալության հետ կապված հարցերը՝ նշելով, որ դրանք պատշաճ կերպով արձանագրվել են զեկույցում։

“The most important thing is that today we can see that Armenia has firmly chosen a pro-European path. This is very clearly visible in the election results, and we should welcome this choice,” Kiljunen concluded, adding that the Council of Europe should continue to support Armenia in this direction.

«Ամենակարևորն այն է, որ այսօր կարող ենք տեսնել՝ Հայաստանը հաստատուն կերպով ընտրել է եվրոպամետ ուղին։ Դա շատ հստակ երևում է ընտրությունների արդյունքներից, և մենք պետք է ողջունենք այդ ընտրությունը»,- եզրափակեց Կիլյունենը՝ հավելելով, որ Եվրոպայի խորհուրդը պետք է շարունակի աջակցել Հայաստանին այդ ուղղությամբ։

PACE proposes a roadmap for reforms to Armenia

ԵԽԽՎ-ն Հայաստանին առաջարկում է բարեփոխումների ճանապարհային քարտեզ

The PACE observation delegation recommends that the Armenian authorities take steps to strengthen the resilience of the electoral process and democratic institutions.

ԵԽԽՎ դիտորդական պատվիրակությունը Հայաստանի իշխանություններին առաջարկում է քայլեր ձեռնարկել ընտրական գործընթացի և ժողովրդավարական ինստիտուտների դիմակայունությունն ամրապնդելու համար։

In particular, the delegation recommends strengthening the national capacity to identify and respond to information operations and economic pressure tools emanating from the Russian Federation, as well as to strengthen the independence of the appointments of electoral officials.

Մասնավորապես, պատվիրակությունն առաջարկում է ուժեղացնել Ռուսաստանի Դաշնությունից բխող տեղեկատվական գործողություններն ու տնտեսական ճնշման գործիքները բացահայտելու և դրանց արձագանքելու ազգային կարողությունները, ինչպես նաև ամրապնդել ընտրական ոլորտի պատասխանատուների նշանակումների անկախությունը։

The report adopted today also recommends expanding the range of stakeholders who can file electoral complaints in courts, extending the deadlines for examining precinct and general election disputes, and ensuring more flexible appeal mechanisms.

Այսօր ընդունված զեկույցում նաև առաջարկվում է ընդլայնել այն շահագրգիռ կողմերի շրջանակը, որոնք կարող են դատարաններում ընտրական բողոքներ ներկայացնել, երկարաձգել ընտրատեղամասային և համընդհանուր ընտրական վեճերի քննության ժամկետները, ինչպես նաև ապահովել բողոքարկման ավելի ճկուն մեխանիզմներ։

The PACE delegation calls for closing the gaps in the field of pre-election and third-party financing, fully regulating the use of administrative resources and effectively punishing any abuse of them.

ԵԽԽՎ պատվիրակությունը կոչ է անում փակել նախընտրական և երրորդ կողմերի ֆինանսավորման ոլորտում առկա բացերը, ամբողջությամբ կարգավորել վարչական ռեսուրսի օգտագործումը և արդյունավետ պատժել դրա ցանկացած չարաշահում։

The recommendations also include ensuring the impartiality of the public broadcaster, ensuring a more transparent ownership structure for private media, and expanding mechanisms to combat disinformation and digital literacy programs.

Առաջարկների թվում են նաև հանրային հեռարձակողի անաչառության ապահովումը, մասնավոր մեդիայի սեփականության ավելի թափանցիկ կառուցվածքի երաշխավորումը, ապատեղեկատվության դեմ պայքարի մեխանիզմների և թվային գրագիտության ծրագրերի ընդլայնումը։

The report calls for an end to selective criminal prosecutions of the opposition and to guarantee all due process requirements in election-related trials. It also recommends reviewing the practices of law enforcement agencies to bring them into line with European human rights standards, as well as guaranteeing the right to peaceful assembly and protest for all political forces.

Զեկույցը կոչ է անում դադարեցնել ընդդիմության նկատմամբ ընտրովի քրեական հետապնդումները և ընտրություններին առնչվող դատավարություններում երաշխավորել պատշաճ դատավարության բոլոր պահանջները։ Առաջարկվում է նաև վերանայել իրավապահ մարմինների գործելակերպը՝ այն համապատասխանեցնելու մարդու իրավունքների եվրոպական չափանիշներին, ինչպես նաև բոլոր քաղաքական ուժերի համար երաշխավորել խաղաղ հավաքների և բողոքի իրավունքը։

PACE considers it important to simplify the conditions for the exercise of the right to vote for displaced and vulnerable voters, to facilitate the procedures for providing the necessary documents, as well as to speed up the citizenship and registration processes in line with best international practice.

ԵԽԽՎ-ն կարևոր է համարում տեղահանված և խոցելի ընտրողների համար ընտրելու իրավունքի իրացման պայմանների պարզեցումը, անհրաժեշտ փաստաթղթերի տրամադրման ընթացակարգերի դյուրացումը, ինչպես նաև լավագույն միջազգային փորձին համապատասխան քաղաքացիության և գրանցման գործընթացների արագացումը։

There is a separate proposal on amending the Electoral Code. According to the report, the mandatory requirement to hold a new vote should be clearly established if the fundamental representation of a political force is in question, as well as to establish clear thresholds and procedures for this.

Առանձին առաջարկ կա Ընտրական օրենսգրքի փոփոխության վերաբերյալ։ Ըստ զեկույցի՝ պետք է հստակ ամրագրվի նոր քվեարկություն անցկացնելու պարտադիր պահանջը, եթե հարցի տակ է դրվում քաղաքական ուժի հիմնարար ներկայացվածությունը, ինչպես նաև սահմանվեն դրա համար անհրաժեշտ հստակ շեմեր և ընթացակարգեր։

PACE declares its readiness to work with the Armenian authorities to address the identified problems and strengthen the application of European standards of democracy. This work should be carried out within the framework of the Assembly’s monitoring procedure and in close cooperation with the Venice Commission.

ԵԽԽՎ-ն հայտարարում է, որ պատրաստ է Հայաստանի իշխանությունների հետ աշխատել արձանագրված խնդիրների լուծման և ժողովրդավարության եվրոպական չափանիշների կիրառումն ամրապնդելու ուղղությամբ։ Այդ աշխատանքը պետք է իրականացվի Վեհաժողովի մոնիթորինգի ընթացակարգի շրջանակում և Վենետիկի հանձնաժողովի հետ սերտ համագործակցությամբ։

Karine Asatryan

Կարինե Ասատրյան

Brussels

Բրյուսել