ԱԺ նախկին պատգամաւոր Տիգրան Աբրահամեանը գրում է. «Մի ողջ հասարակութիւն խօսում է ռազմաքաղաքական իշխանութեան՝ պատերազմի զոհերի յիշատակը մոռացութեան տալու եւ անարգելու մասին, իրենք դրան պատասխանում են համերգներով, անհոգ ժամանցով, ուրախ-զւարթ լայւերով՝ անընդհատ փորձելով իրենք իրենց գերազանցել: Բարոյապէս բանակը ոչնչացրածներն ու բանակաշինութիւնը բեսեդկայի մակարդակի զրոյցների վերածողները յուսահատ փորձեր են անում մարդկանց մի մասին համոզելու, որ իրենք գոյութիւն ունեն, բանակ են ղեկավարում: Այնինչ բանակի հիմքում մարդն է, երկրի անվտանգութեան առանցքում՝ հայրենիքի պաշտպանը, եւ եթէ դու նրա նահատակութիւնն ու առաքելութիւնը չես յարգում, համարժէք վերաբերմունք չես ցուցաբերում, քո քաղաքականութեան առաջնահերթութիւն չես սահմանում, ապա դու քո երկրի դէմ թշնամութիւն իրականացնող սուբիեկտ ես, քանդող, ոչնչացնող եւ ուրացող»: