Հայաստանում ԵՄ առաքելությունը շնորհավորում է հայ ժողովրդին Անկախության օրվա կապակցությամբ։ «Շնորհավոր անկախության 35-րդ տարեդարձը, Հայաստան»,- ասվում է հաղորդագրությունում։ Հիշեցնենք, որ այսօր՝ սեպտեմբերի 21-ին, Հայաստանը նշում է Անկախության օրը և անկախության հռչակման 35-րդ տարեդարձը։ 1991 թվականի սեպտեմբերի 21-ին անցկացված հանրաքվեում քաղաքացիների շուրջ 99 տոկոսը քվեարկել է անկախության օգտին, և այդ օրը Հայաստանում նշվում է որպես Անկախության տոն։ Իսկ Հայաստանում ԵՄ քաղաքացիական առաքելությունը գործունեությունը սկսել է 2023 թվականի փետրվարի 20-ին՝ ԵՄ արտաքին հարաբերությունների խորհրդի որոշմամբ։ Այն դիտարկում և զեկուցում է Հայաստանի տարածքում՝ Ադրբեջանի հետ միջազգային սահմանի երկայնքով առկա իրավիճակի մասին, նպաստում է հակամարտությունից տուժած շրջաններում մարդկանց անվտանգությանը և, հնարավորության դեպքում, Հայաստանի ու Ադրբեջանի միջև վստահության ձևավորմանը։ Առաքելության մանդատը երկարաձգվել է մինչև 2027 թվականի փետրվարի 19-ը։