Քաղաքացիական թռիչքներու եւ Օդային Փոխադրութեան Ընդհանուր Մարմնի նախագահ Օմար Հուսարի յայտնեց, որ մասնագիտական ուսումնասիրութիւններէ ետք, որդեգրուած է «L602» օդային ճամբան՝ Սուրիոյ արեւելեան շրջանէն, Տէր Զօր քաղաքին մօտէն: Հուսարի «X» հարթակին վրայ գրեց, որ այս քայլը կը ներառուի Սուրիոյ օդային ցանցի զարգացման ծրագիրին մէջ՝ ապահովելու ուղիղ եւ արդիւնաւէտ երթուղիներ Ծոցի երկիրներու եւ Եւրոպայի միջեւ: Ան աւելցուց, որ մինչեւ 18 Սեպտեմբեր արձանագրուած է 2188 օդային տարանցիկ թռիչք, ինչ որ ցոյց կու տայ Սուրիոյ օդային տարածքին աստիճանական վերականգնումը տարածաշրջանային եւ միջազգային թռիչքային ցանցին մէջ: