ԱՄՆ Կոնգրեսի Ներկայացուցիչների պալատն ընդունել է մի բանաձեւ, որը պահանջում է ԱՄՆ նախագահ Դոնալդ Թրամփից աւարտել մարտական գործողութիւններն Իրանի դէմ, յայտնում է «Թաբնաք»-ը: Բանաձեւի օգտին հանդէս է եկել Ներկայացուցիչների պալատի 220 անդամ, որը վերահսկւում է գործող նախագահի կուսակցակիցների՝ հանրապետականների կողմից։ Դէմ է քւէարկել 204 օրէնսդիր։ Այսպիսով, բանաձեւն ընդունւած է։ Բանաձեւը իրաւական ուժ չունի եւ կրում է յանձնարարական բնոյթ: Նման փաստաթղթերում օրէնսդիրներն արտայայտում են իրենց դիրքորոշումը: ԱՄՆ գործադիր իշխանութիւնը իրաւունք ունի անտեսել դրանք: ԱՄՆ Սահմանադրութիւնը պատերազմ յայտարարելու իրաւունքով օժտում է ոչ թէ նախագահին, այլ Կոնգրեսին։ Այնուամենայնիւ, վերջին տասնամեակների ընթացքում ԱՄՆ առաջնորդները շատ լայնօրէն են մեկնաբանել օրէնսդիրների կողմից իրենց տրւած արտասահմանում ռազմական ուժ կիրառելու թոյլտւութիւնները, այդ թւում՝ փաստացի սկզբունքօրէն նոր գործողութիւններ սկսելու համար: